Morðinginn með barnsandlitið

Við bræður (ég og Örvar, veit ekki með Árna enn), þykjum all-dagfarsprúðir menn. Og ókunnugir myndu líklega telja Örvar með alúðlegustu mönnum sem til eru. Hann er kurteis, hjálpsamur, fórnfús - tja - listinn er langur. En allir eiga sér sínar skuggahliðar.

Örvar hefur enst ótrúlega lengi í íþróttum og hefur stundað handbolta sleitulaust í ótal ár við góðan orðstír í hinum ýmsustu löndum, þ.á.m. Danmörku og Sviss. Hann hóf ferilinn hjá K.A. undir stjórn Alla Gísla og á fyrstu leiktíð náði hann þeim merka árangri að vera léttasti leikmaður deildarinnar. Örri spilaði í nokkur ár með stjörnuliði Breiðabliks sem náði, ef ég man rétt, einu jafntefli á tveimur árum í úrvalsdeild. En það var ekki Örvari að kenna. Og eins og sjá má á meðfylgjandi mynd er Örvar hvorki kurteis, hjálpsamur né fórnfús þegar kemur að íþróttum.

Skrár tengdar þessari bloggfærslu:

• sekur um glæp?

Athugasemdir

[Gunna sys (IP-tala skráð) 26.9.2007 kl. 20:25]

Þið lítið út fyrir það en eruð svo sannarlega ekki saklausir þið bræður. Mér finnst eins og þetta bragð hafi verið notað af ykkur  á saklausa litlu systur ykkar oft í gegnum tíðina að ógleymdum "stebbastælum" og öðrum fantabrögðum. Fékk einmitt "flashback" fyrir nokkrum dögum þegar ég var að horfa á spennuþáttinn Alias. Þar var vondi karlinn að leika sér að því að pikka milli fingranna á annarri manneskju með hníf og þá mundi ég að þetta hefur verið gert við mig...að vísu með penna en þetta situr í mér.

[unnar (IP-tala skráð) 27.9.2007 kl. 20:02]

Get vel ímyndað mér að þetta hafi verið erfitt hjá þér Guðrún. Ég var yngstur í minni fjölskyldu og tel mig eiga ýmissa harma að hefna. Æfði skák en það var aldrei mikil sjálfsvörn í henni.

[Brynja (IP-tala skráð) 28.9.2007 kl. 08:50]

Þetta fyllir mann þjóðarstolti, glímubrögð okkar Íslendinga  eru fengin með móðurmjólkinni.  Mikilvægt fyrir litla þjóð í stórum heimi.

Annars vildi ég að þið væruð að koma í heimsókn um helgina og borða með okkur íslenskt lambakjöt og að því loknu myndum við taka nokkur glímubrögð saman.