Jón Gnarr og ,,sushi"

Við fórum í bæinn á laugardaginn - meiningin var að gefa Hönnu sushi í afmælismat en í staðinn fékk hún Jón Gnarr.

 Ímyndið ykkur eftirfarandi aðstæður: maður gengur inn á MacDonalds og segir: ,,Ég ætla að fá einn ostborgara, takk". Og þá svarar afgreiðslupersónan: ,,Því miður, það eru ekki til hamborgarar". Einhvern veginn svona asnalegar  voru aðstæðurnar á sushi-staðnum sem við vorum búin að hlakka til að fara á. ,,Því miður, í dag er ekki til sushi".

 En í staðinn rákumst við á Jón Gnarr, villtan á götuhorni. Þess má geta að 14 ár eru síðan ég hitti síðast frægan mann í útlöndum; það var hann Bono í Dublin, sbr. setninguna fleygu: ,,Excuse me, mister Bono". Jú, einn í viðbót, ég talaði við Adenauer jr. (90 ára) í veislu í sendiráðinu í Bonn einhvern tímann. Og mér fannst ég sjá Max von Sydow í Luxembourg, en kannski var ég búinn að drekka of marga espressóa.

Athugasemdir

[Brynja (IP-tala skráð) 17.10.2007 kl. 07:18]

Til hamingju með afmælið Hannalilla, vona að þú hafir fengið sushi þrátt fyrir allt.  Og ég bið að heilsa Jóni og öllum hinum.

pússpuss

Brynja

[Sverrir Páll Erlendsson (IP-tala skráð) 18.10.2007 kl. 20:15]

Frægan? !!!

[Guðjón H. Hauksson, 20.10.2007 kl. 09:44]

Var Gnarr í spidermangalla? Með sleikjó?