Hambolt II

Ekki átti ég von á að Íslendingum svona slapparalegum. Svo virðist sem handboltalandsliðið sé á sömu leið og fótboltalandsliðið; þetta eru upp til hópa prýðisdrengir, vel stilltir og vel þjálfaðir. En ef Íslendingar hætta að ganga berserksgang og fara að trúa því að við séum færri, verri og minni en aðrar þjóðir; þá getum við gleymt þessu.

Ég vil að við dælum fé  í handboltann. Ég vil að við skrásetjum alla risavaxna drengi og setjum þá í æfingabúðir í staðinn fyrir að láta þá vinna á kassa í Bónus og gefum þeim stál og hákal að éta og sýru til að drekka.  Þeir þurfa að æfa hryggspennu og bóndabeygju. Þeir munu eiga orðabækur; í bókum þeim er ekki að finna orð eins og ótti, hræðsla, kvíði. Orðabækurnar munu innihalda þessi þrjú orð: sigur, sigur, sigur.

 

Athugasemdir

[Guðjón H. Hauksson, 24.1.2008 kl. 13:56]

Jæja, Arnar - Þá er það Ísland vs. Spánn á eftir. Íslendingar ætla að gefa allt í þetta. Hversu mikið er það?

Annars er maður stjarfur yfir borgarstjórnarmálunum hérna megin og bíður bara eftir grjótkasti og rúðupissi, nei táragasi á Austurvelli.