Sönglag um Spán

 

 Sönglag um Spán

 

Naut á hverju horni,

horn á hverju nauti (fleiri en eitt),

hárið jarpt til hliðar vatnsgreitt

en allt í rugli að morgni.

 

Ég er fallinn fyrir Spáni

eins og vaxtalausu láni

mér er illt í stóru tánni

vona að það skáni.

 

Hér brosa menn í metró (not)

caramelos þýðir gott.

bigote er hormott-

a og er feit ávísun á hylli kvenna.

 

Hér er mikið drukkið af vondu kaffi

fá eða engin orð byrja á tvöföldu vaffi;

nema kannski Wolvo

en það er önnur saga.

 

Flamenkó upp um alla veggi

tryllir einatt unga seggi

en hörkutól dansa ekki

sbr. Beggi (í Ömmu Dýrunni). 

 

Hýran fer í gas og hita,

hóstasaft og tapas-bita

sniðugt er hárið að lita

ljóst það opnar dyr ýmsar.

 

Zapatero er skósmiður

og er það liður

 i að skæða

væða

Spánverja.

 

Por qué no te callas?

spurði kóngurinn.

á ítölsku hann kallas-

t Giovanni að ég held.

 

Eiður Smári og Ronaldinho

fara oft saman í sturtu,

en það er ekkert skrýtið

það er þeirra vinna.

 

Puyol er oft rosalega

lengi að þurrka hárið

hinir verða við það

ansi hreint pirraðir.

 

Því stundum er svo kalt

og hreint ekki sniðugt

að fara út nóttina

með hárið svaka hélað.

 

það er ekkert grín 

að vera atvinnumaður

en gott að skulda ekkert hjá LÍN

og vera dásamaður.

 

Ser eða estár, that is the question.

Ekki veit ég svarið

málfræðin all gone

aus, bei, mit, nach, seit, von...

 

Ekki meir að sinni

þetta nægir, Kolbeinn, sagði Tinni.

og fékk sér smók. 

 

 

 

 

 

 

Athugasemdir

[Sverrir Páll Erlendsson, 4.2.2008 kl. 12:36]

Vantar eiginlega nótur svo maður geti sungið þennan gullaldarkveðskap í nærliggjandi partíum.

Sennilega er heppilegra fyrir Íslendinga að leggja fyrir sig kveðskap en boltaleiki.

[Unnar (IP-tala skráð) 5.2.2008 kl. 20:31]

Sælir!

Ég bý í hverfinu milli lífs og dauð. Það er Valshverfi. Að gefnu tilefni (því að Valur varð Íslandsmeistari) hef ég ort svo:

Dyllum oss!

Hreppum hnoss!

Múrarar!

Píparar!

Valsarar!

Dönsum dátt!

Syngum hátt!

Grallar!

Brallarar!

Valsarar!

Kannski að Sverrir Páll vilji botna?

[Arnar Arngríms (IP-tala skráð) 5.2.2008 kl. 22:07]

,,Sennilega er heppilegra fyrir Íslendinga að leggja fyrir sig kveðskap en boltaleiki." sagði svp. Veit ekki alveg hvort þetta er sneið til mín. En sneiðin er góð. Egill var til dæmis betri í yrkingum en íshokkí.

Unnar er á góðri leið með stuðningslagið; í þínum sporum hefði ég samband við Karl Örvars sem samdi / söng í það minnsta K.A-lagið góða. (þess má geta að ég skoraði einmitt mark á Hlíðarenda í síðasta leik mínum með 2. flokki K.A....) 

[Unnar Þór (IP-tala skráð) 6.2.2008 kl. 13:13]

Það hefur sýnt sig að ljóð um íþróttalið eru erfið viðureignar.

Sennilega er besta lagið þessarar tegundar stuðningsmannalag landsliðsins í handbolta eftir Valgeir Guðjónsson. Hef reyndar ekki heyrt nýja lagið sem hann samdi.